Janja Belaj: “Domoča apoteka”

Negda je ne bilo leki kak denes.

Neje bilo kremi, kojekakvih laki, tableti, sirupi i sega toga.

Negda so se ljudi snalazili drugač.

Neje bilo auti kaj bi se vozili k doktoram, išli so pešice.

Nesu meli peneze za kupovinu pak su se morali snojti i somi lečiti.

Dok su ljudi meli trna v peti, su v loncu skuhali bršljana.

Onda su nogu deli iznad lonca i pokrili ju z ručnikom.

Grlo su lečili tak da su pržili cukora.

Dok je cukor postal hrđovi su ga zalejali z mlekom. Nema bolšega sirupa.

Upala vuha se lečila z netresem.

Netresa su zmuzgali v žlici i z tom tekučinom su zalejali vuho.

Za noge su koristili domoči oct. Stopili su ga na peči.

V njemu su namočili krpu i z njom omotali oko noge.

Za vročinu su maloj deci strojbali belonjke i z tem namazali roke i noge.

Vročina bi navek prešla.

Pluča su lečili z čajem od trove koja se zove plučnjak. čaj su sladili s medom.

Dok ih je bolel želodec, ljudi su si spili malo rakije v kojoj se namakal pelin.

Na šuple zobe su kapali propolisa, a prsa mazali z talenom moščom.

Za bubrega su pili čaj od pušpana.

Zaprav su se najviše lečili prirodnim čajima.

Ljudi su celo leto broli lekovite trove i plode, cvetje, korje, listje i korenje.

Se mi je to sprepovedala moja baka Katica.

Una veli da je na svetu najbolši lek Božji blagoslov, mir i puno veselja.

I jo mislim da je tak.

——————————————————————

JANJA BELAJ, učenica 6.b razreda

OŠ ANDRIJE PALMOVIĆA RASINJA